Kreu i Unionit të Social Demokratëve të Pavarur, Milorad Dodik është zgjedhur president i ri i njësisë boshnjake Republika Srpska në Bosnje dhe Hercegovinë, pas rinumërimit të votave.
Raporti për rinumërimin e votave është miratuar në seancën e sotme të Komisionit Qendror të Zgjedhjeve të Bosnjë-Hercegovinës.
Qendra kryesore e numërimit në Sarajevë ka rinumëruar votat nga më shumë se 2,000 qendra votimi për nivelin e presidentit të njësisë, pasi zyra e prokurorit të shtetit mori raporte për mashtrim në natën e zgjedhjeve të 2 tetorit.
Megjithatë, edhe pas rinumërimit, Dodik, politikan ekstremist pro-rus i sanksionuar nga SHBA si person i korruptuar që rrezikon të minojë stabilitetin e Ballkanit, është shpallur fitues.
Shfaq Komentet (0)
